Ньукуолун уонна Оһуохай күнэ

Ыам ыйын 22 күнүгэр самаан сайыны көрсүү үөрүүлээх тэрээһиҥҥэ «Тирэх» аҕам саастаах дьоммутун кытта күн төгүрүк алаадьынан эбэбитин аһата, айылҕаҕа тахсан Аан Алахчын хотуну алҕаан-ытыктаан туом оҥоро, ытык маска салама ыйыыр сиэрин-туомун толордубут. Ону тэҥэ айылҕылыын ситиммитин бөҕөргөтө, күүс-уох ылына сибиэһэй салгыҥҥа «Атамай Хоһууннара» эр дьон түмсүү күндүлээбит кус миинин иһэ² ирэ — хоро кэпсэттибит, сынньанныбыт.

Ону кытта, бу күн Арассыыйа норуоттарын култуураларын үйэлээх духуобунай баайын – саха төрүт үҥкүүтүн «Оһуохайы» харыстаан уонна киэҥ эйгэҕэ тарҕатар сыаллаах – соруктаах, Саха Өрөспүүбүлүкэтин Ил Дархан Айсен Сергеевич Николаев уурааҕынан «ОҺУОХАЙ» күнүн тэрийдибит. Үтүө күннэр көлүөнэлэри түмэр, өбүгэлэрбит муударастарын илдьэ сылдьар биир кэлим үгэһи үөскэттибит, оһуокайы дуораттыбыт.