Декада пожилых

Алтынньы 6 күнүгэр МБТ «Атамайдааҕы сынньалаҥ киинигэр» Аан дойдутааҕы «Аҕам саастаах дьон» декадатын чэрчитинэн «Эдэр – сэнэх эрдэххэ» диэн бырааһынньыктааҕы тэрээһин буолан ааста.

Аҕам саастаах дьоммутун Атамай нэһилиэгин Муниципальнай тэриллии баһылыга Айсен Егорович Павлов эҕэрдэлээтэ, быйылгы юбилейдаах дьоммутугар сэмэй бэлэҕин туттарда

МБТ «Атамайдааҕы сынньалаҥ киинэ» үрдүнэн тэриллибит, эти – ханы чөлүгэр түһэрэр сахалыы хамсаныылардаах «Саха Этно Фитнес» маастар кылааһын Сардаана Ивановна Иванова тэрийэн ыытта.

Ону таһынан, «Дьулуур» спорткомплекс спорт инструктора Никифор Никифорович Ковров «Бэһиэлэй эстафета» иилээн – саҕалаан ыытта.

Тирэх оҥостор дьоммутугар  «Сиэдэрэй сэлээппэ»  диэн бэйэ илиитинэн араас матырыйаалтан тигиллибит эбэтэр оҥоһуллубут сэлээппэ күрэҕин тэрийдибит. Уопсайа күрэххэ 3 кыттааччы кыттыыны ылла. Ол курдук,

1миэстэ — Заровняева Виктория Семеновна.

2миэстэ — Ефремова Варвара Ефимовна.

3миэстэ — Винокурова Евдокия Саввична.

Кыайыылаахтар бирииһинэн, грамотанан наҕараадаланнылар.

Аҕам саастаах дьоммут куннэрин бэрт диэн бэһиэлэйдик атаардылар, уөрдулэр-көттүлэр, оонньоотулар, бэйэ бэйэни кытары көрсөн ирэ – хоро кэпсэттэн сынньанан бардылар.

Бүгүҥҥү тэрээһиҥҥэ сүүрбүт көппүт, көмө буолбут дьоммутугар Сардаана Ивановнаҕа, Никифор Никифоровичка уонна Атамай нэһилиэгин Муниципальнай тэриллии баһылыгар Айсен Егорович Павловка сынньалаҥ киинэ аатыттан махталтылбытын тиэрдэбит.