НЬУРБА ТЫЙААТЫРА

Кулун тутар 4 күнүгэр Атамай нэһилиэгэр Ньурбатааҕы Судаарыстыбаннай көһө сылдьар драматическай тыйаатыр кэлэн ыалдьыттаата. Күнүс 16:00 чаастан Тыйаатыр бөлөҕө оҕолорго Сергей Козлов остуоруйатыттан «Тили-Милитрямдия» диэн остуоруйаны куукулаларынан көрдөрбүттэрин оҕолор бэркэ сөбүлээн, күлэн-үөрэн, оонньоһон көрдүлэр. Остуоруйаҕа баар үс күннээх, дьикти аптаах Тили-Милитрямдия сирин дьоруойдарын Куобаҕы, Эһэни, Тииҥчээни,  Эбээ Сордоҥу бары сөбүлээбиттэр. Кырачаан көрөөччүлэр дуоһуйа, астына, болҕойон көрдүлэр – иһиттилэр.  Ону тэҥэ, киэһээ 20:00 чаастан калмык норуодунай суруйааччыта Алексей Балакаев «ИЙЭ СҮРЭҔЭ» айымньытынан СӨ ускуустубатын үтүөлээх диэйэтэлэ Юрий Макаров туруоруутун көрдөрдүлэр. Салгыы көһө сылдьар тыйаатыр бөлөҕө атын нэһилиэктэргэ туруорууларын көрдөрө айан туттулар. Элбэх үгүс көрөөччү сырыттын диэн алгыы хааллыбыт.