«Хоту» кустовой-методическай холбоһук көрсүһүүтэ

Атамайга кустовой-методическай холбоһук ыытылынна

📝Тохсунньу 31 күнүгэр «Атамай» саҥа киин киэҥ уораҕайыгар «Хоту» кустовой-методическай холбоһук көрсүһүүтэ истиҥник ааста.

🧑‍🏫👨‍🏫Октябрьскай, Кировскай, Маҥаны, Маалтааны, Атамай нэһилиэктэрин уһуйааннарыттан 80-тан тахса үлэһит, бэтэрээн тоҕуоруһа муһуннулар.

🎼Тэрээһин Арассыыйа, Саха Сирин, Куорунай улууһун гимнэриттэн саҕаланна.
Хас биирдии уһуйаан эҕэрдэ нүөмэрдээх кэлэн, ырыаларынан-үҥкүүлэринэн тэрээһини киэргэттилэр.

📈📉Пленарнай чааска, уһуйаан сэбиэдиссэйдэрэ кустовой — методическай холбоһукка былааннарын билиһиннэрдилэр, үлэни торумнаатылар.

🏃‍♀️🏃🏼‍♂️Тэрээһин иккис чааһыгар, тэрилтэнэн «Көрдөөх старт» спортивнай күрэх ыытылынна. Алта этаптаах күрэх түмүгүнэн, 1 миэстэни «Айылгы» (Октябрьскай), 2 миэстэни «Одуванчик» (Кировскай), 3 миэстэни олохтоох «Радуга» уһуйаан хамаандалара ылары ситистилэр.

✍️Раиса Иванова, Диана Федорова
@silatrudagorny